Agosto é un bo mes para gozar do traballo desenvolvido na primeira parte do ano. Vai moita calor para traballar na horta, pero a cambio temos moito que recoller. Coa variedade de legumes que conseguimos colleitar xa podemos preparar un riquísimo gazpacho. O máis importante nesta época é manter un bo rego e ir planificando a prantación cara ao outono-inverno. As mellores horas para estar na horta son a mañá cediño ou a última hora do día. A miña recomendación de rego será sempre pola mañá, xa que a terra está fresquiña e a pranta recibirá con moito agarimo a auga para soportar os días de calor.
No hay comentarios:
Publicar un comentario